Lirik Mampaingat Janji - Riri Rianti
Riri Rianti
salam tabe je tundah kula
bawi hatue bakas tabela
aku mangesah sarita cinta
dengan kaka jagau balinga
oi kaka jagau pangeran
ikau bewei tajahan huang
tampung penyang panggarak ejang
genep andau ngutak manimang
andau jewu kaka halisang
miar kejau tingang tarawang
angat atei manangis huang
cagar tahi basampuk pandang
narai daya aku manyarah
dengan kare sahur parapah
moga kaka je capat dumah
buli imbit rajaki tuah
peteh andim je bujur buah
bingat janji je meteng segah
ela sampai cintam barubah
aluh kue kejau hapisah
batang sawang manjadi saksi
mendeng lurus je kayu janji
cinta kue je tulus suci
dia akan tau baganti
melai lewun uluh harati rati
kaka tutu maatur gawi
bingat andim je asi asi
melai huma ngabuat biti
iyoh kaka jagau balinga
lajur nenga kabar barita
mangat andim sanang bahagia
melai huma je hanjak tanya
hajat doa dengan hatala
manantilang dahiyang baya
laku dohop iye manjaga
itah kue saling satia
aluh andau baganti minggu
melai atei baya aramu
aluh bulan baganti nyelu
aku andimu satia manunggu
bahing andau riwut kalemu
kutak sewut tandak kandayu
nasib ganan je manyangkaru
mangat kaka maingat aku
tikas hetuh tandak nanjuri
akan itah hatue bawi
amun kejau tulak bagawi
mingat buli je ela tahi
cukup helu karungut lagu
bawin haruei ngancang manandu
akan penyang je sangkalemu
mingat janji paham taharu
Komenlah dengan berhemah