Lirik Ko Biasa Saja - Shine Of Black x M.A.C
M.A.C Shine Of Black
Interlude :
E tarada bukan sa yang bawa hati
Tapi ko yang mau jadi ko dapat tipu ulang kali
Lapis dhe e... Yang ko sayang itu
Sa kasih tau e, sa kasih tau e ko biasa saja boleh
Chorus:
Ko biasa saja tarada yang mau bawa dia
Sa tara rakus dhe pu kasih sayang
Dhe cuma salah satu dari sekian banyak
Yang sa tipu baru ko juga dapat tipu dari dhe
Kasihan adoh kasihan kam dua pu nasib
Rap 1:
Ok ini leazzy ya
Kasihan e koi yang berjuang
Tapi stiap hari sa dapat kasih uang
Ko cuma trima ampas sisa-sisa gaji
Sa yang makan lalapan dan ko makan janji-janji
Nan habis bulan langsung dhe telp sa
Ohh sayang ko dimana tong dua pigi tamasya
Jadi terserah kalau ko mau bawa dhe
Sa pu atm berjalan juga bukan hanya dhe
Rap 2:
Jang kira sa udik ko pu pacar
Ko pacar yang duluan kasih jatuh dasar
Dhe tara tau sa pu mulut paling ba air
Satu kali sa bicara uang dhe kasih cair
Dhe dapat tipu disini baru kesana tipu ko
Kam dua lakibini terlalu gampang sa sulo
Sa sadar diri we
Ko saja yang rese
Ko bawa dia bagun keluarga manise
Chorus:
Ko biasa saja tarada yang mau bawa dia
Sa tara rakus dhe pu kasih sayang
Dhe cuma salah satu dari sekian banyak
Yang sa tipu baru ko juga dapat tipu dari dhe
Kasihan adoh kasihan kam dua pu nasib
Rap 3:
Baku bawa sudah mo
Sampe dapat keturunan
Sapa juga yang udik kam dua pu hubungan
Sa juga kasih begitu pas masih gandeng dia
Tapi sa toki dhe untuk dana bukan kasih jatuh celana
Sa pu mulut panas macam biak punya karang
Lebih tajam dari tete dong punya parang
Stop mo sibuk ingat urus ko punya barang
Jang nanti dhe kembali we kam bicara torang
Rap 4:
Ahh tarada sehh
Sa tra udik ko pu cinta
Sa ni tukang tipu dhe masuk daftar paling bawa
Silakan pigi
Kam baku cigi
E lakibini
Kam dapat toki
Dapat skat
Dapat main
Sa pegang atm gaji
Tiap tanggal satu pasti de chating sa
Kalau ada waktu tunggu di tempat biasa
Sa tinggal mendarat pasti sa dapat dana
Sumpah mati e ko dapat karung biasa-biasa
Chorus:
Ko biasa saja tarada yang mau bawa dia
Sa tara rakus dhe pu kasih sayang
Dhe cuma salah satu dari sekian banyak
Yang sa tipu baru ko juga dapat tipu dari dhe
Kasihan adoh kasihan kam dua pu nasib
Uuu…uuu…kasihan kam dua pu nasib.
Komenlah dengan berhemah